Polisi mi Uganda Utiye ka sayu Bana Thalathala pi Facebook post pare.

Lembe angeya mu ai kud i Nebbi u benyutho nia Polisi mi Nebbi kar acelu kud Polisi mi Pakwach gi tiye kani sayu ngatu ma nyinge tiye Bana Thalathala ma gi tiye ka paru nia nindo ma pol ubedo kani goro lembe i kum governmenti pa Museveni man i kum Jukuloka ma dongo mi Nebbbi and Panyimur.

Unwangere nia i kind nindo angech mu kadhu eni, Bana Thalthala eno ubinu goro lembe moko i facebook ma enyutho ka maleng nia KG.Adubango madn Kinobe Paul mi Panyimur utiye kani timo kuloka mir atum man mbaw ni ai Kud I congo. Bana Thalthala Umedire asu ni weco nia Kinobe Paul unego dhanu mapol i wi nam mi Lake Albert man ekwayu nia mito Uganda Revenue Authority mi Nebbi unen matek nia gi lubo the tiend lembe man kuloka pa KG.Adubango ne man kinobe bende .

I oro ma eni kende dhanu matuc 10 junego iwi nam mi Lake Albert i Uganda man Democratic Republic of Congo bende .Dhanu eno gi bed gi tho kutho mi atum ma Bana Thalathala utiye kani weco nia Kinobe man KG.Adubango re ma gi nego dhanu eno ne gi.

Ungeyere ungo nia Bana Thalathala eno copo bedo ngani en kere dhanu mapol utiye ka paru nia ecopo bedo dhanu mi Panyimur nyo ke mi Nebbi.

Jarangol pido madit mi Kampala ma nyinge tiye Rogers Kinobe udaru ni caku tic pare bende pi neno nia Bana Thalathala ju maku ma fodi oro meni uthum ungo .

Wa winjo nia dhanu ma pol utiye ka paru nia Bana Thalathala eno copo bedo group pa aradu moko ma gi kandiri akandara i Facebook re fodi ungeyere ungo nyo etiye lembe ma andha .

 

Comments

comments

Leave a Reply

Your email address will not be published. Required fields are marked *